جت ثايره متوترة و قلت الحلـو زعـلان ليـه؟"
"الله يجازيهـم حــرام يزعـلـون المتـرفـه
رفعت حواجبها وزمت رمشهـا والمـوت فيـه"
"قالت بكيفـي والسبـب ماهـو لازم تعرفـه
شي ما يخصك اتركني في حالي الحزن اشتهيـه"
"احد اشتكى لك؟ يووه يا بعض الخلايـق ملقفـه
قلت انتِ لو ما تشتكيـن الهـم قلبـي يشتكيـه"
"من يوم اشوف الحزن من تحت الرموش المورفه
وشلون ما تبغيني اسـأل ليـه همـك تحمليـه"
"وانـاابتهاجاتـي علـى نفسيـتـك متوقـفـه
زود انفعالاتـك يأثـر بانفعـالاتـي واتـيـه"
"تأثير يتناسب تناسب طـردي بنفـس الصفـه
لو اعـرف اللـي زعلـك والله لآخذلك حقــك"
"وإلا يجي لك يعتذر غصبـاً عـن اللـي خلفـه
قالت على بالك تتريق؟؟ يا برودك يييييييه ييـه"
"احر ما عندي هو ابـرد شـي عنـدك والطفـه
قلبتيها ليه فيزياء وانـا احسـب انـك سيبويـه"
"اقول لـك حـره وبرضـك ماتسيـبِ الفلسفـه
مدري انت تستغبي معي وإلا مسوي لي نبيـه؟"
"وإلا انت فاكرنـي لهـذا الحـد انـا متخلفـه؟
لا لا حبيبي مو أنا اللـي يخدعـه مـا تدعيـه"
"مبروم ما يفتـل علـى مبـروم لعبـك بكشفـه
تقتل قتيلك ثـم تمشـي فـي الجنـازه تقتفيـه"
"من يوم آعرفك وانت ما تتـرك معـاي اللفلفـه
قلت اذكري الرحمن واعطيني سبب واحد وجيه"
"يعطيك حق انـك تدينينـي لـو انـك منصفـه
قالت لي اسأل نفسك اش سويت بالحب النزيـه"
"منهو الذي مشغـول جوالـه ودمـي استنزفـه؟
ثلاث ساعات اتصل مشغـول يا(خـي) ليـه"
"مدري تفاوض بوش وإلا انهـا بدايـة معرفـه
طبعاً مطنشني وداخـل جـو لكـن وش عليـه"
"مانـي بزعلانـه علـى شانـك وإلا متحسفـه
ليه الحسايـف دام قلبـك بـاع قلبـاً مشتريـه"
"إلا خسـاره فيـك دمعـاً فـي غيابـك بذرفـه
قامت وراحت وتركتني قلت معـذاري اسمعيـه"
"زمت شفايفها ولفحـت شعرهـا فـي عجرفـه
لحقتها قلت افهمي الموضـوع قالـت مـا ابيـه"
"قلت انتِ حره وتركتني آآآآآآه ياهـي مجحفـه
اسبوع يا(الظالمه) لا زادي ولا النـوم اهتنيـه"
"احب هالمجنونـه اللـي فـي عذابـي مسرفـه
من يوم راحت والسوالـف كلهـا لهجـة سفيـه"
"وذكرياتـي لأجـل يسكـت كلهـا تستحلـفـه
والوقت باسط كف قابض كف يفرك فـي يديـه"
"له عين يتشمت وانا اللي كنت بالضحـك اتلفـه
ان كان مر اسبوع ما جاني اتصـالاً محتريـه"
"بطلبك يا(القلب) خدمـه كـان مـا فيـه تكلفـه
اطلع اشهار وقول عندي شخص ربـي مبتليـه"
"واحجز سريراً زين في غرفه فسيحـه مشرفـه
ومر وصلنـي عسـى الله لا يهينـك يالوجيـه"
"تلقاني اتحـراك لابـس ثـوب نـوم ومنشفـه
الثلاثاء يونيو 30, 2009 12:01 am
